星期六搬离生活左三年多嘅宿舍，原来离开嘅前一晚系最辛苦咖！“人有悲欢离合”，但点解咁样嘅事要比唔够23岁嘅我经历咁多次呢？

   离开宿舍前嘅呢个星期真系令人特别难忘，我竟然临走前都发左次烧，哈，今次竟然比我开口中！！！记得阿sa搬嘅前一晚都认真难忘，因为我地晚黑11点系度大学城环岛徒步一夜游，由广外行翻广大。虽然好攰，但起码令我大学生活增加多一道回忆啊，真系要特别鸣谢sasa个肠胃啦！～～～～

   行完隔日我就发烧啦，今次真系要多谢开开啦，成日都系得距照顾我咋，比医务室“吉”左两针，连训个觉都可以痛醒。我绝对冇浮夸啊，从未试过打完针可以痛咁耐啊，痛到我典床典席，就叫少开整条热毛巾比我敷住个针口啦唯有，哈哈，真系公主般嘅享受啦！！！啊，唔该埋芝姐啦，晚黑都帮我晾左两件衫嘅～～～～～

   依家翻学校我就冇处容身啦，呜呜呜。。。。。。希望得闲睇下同我宿舍四条友仔最后影嘅宿舍照可以慰藉下我思念之苦啦～～～～～

2009.3.21——正式结束大学住宿生活